شعیب ملک اور مجھے بولڈ فوٹو شوٹ کا بہت فائدہ ہوا تھا: عائشہ عمر

پاکستانی کی خوبرو اداکارہ عائشہ عمر نے کہا ہے کہ قومی ٹیم کے آل راؤنڈر شعیب ملک کے ساتھ کروائے گئے بولڈ فوٹو شوٹ سے دونوں کو بہت فائدہ ہوا تھا۔
عائشہ عمر نے گزشتہ دنوں ایک ٹاک شو میں شرکت کی اور اس دوران متعدد موضوعات پر گفتگو بھی کی۔
شو کے میزبان کی جانب سے عائشہ عمر سے ہنستے ہوئے سوال پوچھا گیا کہ شعیب ملک کو آپ کے ساتھ کروائے گئے اِس فوٹو شوٹ کا کتنا نقصان ہوا تھا؟
عائشہ عمر کا کہنا تھا کہ ہم دونوں کو ہی اس فوٹو شوٹ کا بہت فائدہ ہوا تھا، اللّٰہ کا شکر ہے ہم میں سے کسی کو بھی نقصان نہیں اٹھانا پڑا۔
عائشہ عمر کا کہنا تھا کہ اُن کے شعیب ملک کے ساتھ بہت اچھے تعلقات ہیں، ہم دونوں نے یہ فوٹو شوٹ ہنسی مذاق میں کیا تھا، ہم دونوں بہترین دوست ہیں اور یہ بات شعیب ملک کی اہلیہ ثانیہ مرزا بھی جانتی ہیں۔
عائشہ عمر کا ثانیہ مرزا سے متعلق کہنا تھا کہ وہ بہت اچھے مزاج کی خاتون ہیں، اُنہوں نے اُس فوٹو شوٹ کا کوئی برا نہیں منایا کیوں کہ وہ ہماری دوستی سے متعلق جانتی ہیں۔