جنوبی افریقہ میں شدید بارشوں کے باعث ہلاکتوں کی تعداد 395 ہو گئی، مزید سیلاب کا خدشہ

کیپ ٹاون: (ویب ڈیسک) جنوبی افریقہ میں ایک ہفتے سے جاری بارشوں کے باعث ہلاکتوں کی تعداد 395 ہو گئی، حکام نے گزشتہ ہفتے سے جاری بارشوں کے باعث سیلاب کے مزید ریلے آنے کا خدشہ ظاہرکیا ہے۔
جنوبی افریقہ میں بارشوں کا سلسلہ تھم نہ سکا، ایک ہفتے سے جاری بارش کے دوران 395 افراد ہلاک اور لینڈسلائیڈنگ کے باعث سڑکیں تباہ ہونے سے کئی علاقوں سے زمینی رابطہ منقطع ہو گیا۔
حکام کے مطابق مسلسل بارشوں کے باعث اب تک 395 افرادہلاک، 13ہزار بے گھر ہو گئے ہیں، بدترین سیلاب نے 40 ہزار سے زائد افراد کو بری طرح متاثر کیا۔ حکومت نے تباہ شدہ عمارتوں، سڑکوں اور مواصلاتی نظام کی بحالی کیلئے فنڈزجاری کرنے کا اعلان کیا ہے۔