پیپلز پارٹی کا بلدیاتی انتخابات کی تیاریوں کے لیے اہم اجلاس

لاہور (این این آئی) پاکستان پیپلز پارٹی وسطی پنجاب کے جنرل سیکرٹری سید حسن مرتضیٰ کی زیر
صدارت بلدیاتی الیکشن کی تیاریوں کے حوالے سے رجوعہ سادات چنیوٹ میں اہم اجلاس ہوا جس میں بلدیاتی الیکشن کی تیاری اور مستقبل کے لائحہ عمل پر غور کیا گیا۔ اجلاس میں ڈویژنل صدر سید عنایت علی شاہ، سابق ایم پی اے علی حسن قاضی، ضلعی صدر چنیوٹ سید علی رضا زیدی اور قاضی محسن علی نے شرکت کی، اجلاس میں ضلع چنیوٹ میں بلدیاتی انتخابات کے حوالے سے اہم فیصلے کر لیے گئے۔ مقامی برادریوں، کاروباری حلقوں اور علاقائی معززین کو اعتماد میں لیا جائے گا۔