واشنگٹن (این این آئی)امریکہ کے صدر ڈونلڈ ٹرمپ نے عوامی اور سیاسی سطح پر سخت تنقید کا
سامنا کرنے کے بعد کہا ہے کہ پینٹاگون ندال مالک حسن نامی فوجی افسر کو سزائے موت کے طور پر ہلاک کرنے کا منظر اب ٹی وی پر براہ راست نہیں دکھا ئے گا۔ صدر ٹرمپ مبینہ طور پر اپنے ملک میں وسط مدتی انتخابات سے پہلے اپنے ووٹروں کو اپنے جابرانہ اور قاہرانہ انداز سے متاثر کر کے ان کے انتقامی جذبوں کی تسکین اور اپنے لیے ووٹوں میں اضافے کی سبیل پیدا کرنا چاہتے تھے۔اس سلسلے میں ہی امریکی پینٹاگون نے دہشت گرد قرار دیے گئے اس شخص کو ہلاک کرنے کا خوفناک منظر عوام کے سامنے ٹی وی پر براہ راست پیش کرنے کا منصوبہ بنایا تھا۔ لیکن صدر ٹرمپ کی ایما پر ایک انسان کو اس بے رحمانہ اور غیر انسانی انداز میں ہلاک کرنے کے اعلان پر سخت تنقید کی جانے لگی جس کے بعد ٹرمپ نے اپنا فیصلہ بدل دیا۔
