زاہد اکرم درانی بلامقابلہ ڈپٹی اسپیکر منتخب

اسلام آباد: (ویب ڈیسک) جمیعت علمائے اسلام کے زاہد اکرم درانی بلامقابلہ قومی اسمبلی کے ڈپٹی اسپیکر منتخب ہو گئے۔
قومی اسمبلی کے نئے ڈپٹی اسپیکر کے چناو کے لیے کاغذات نامزدگی جمع کروانے کا وقت ختم ہو گیا۔ ذرائع کے مطابق زاہد اکرم درانی کے علاوہ کسی اور نے کاغذات نامزدگی جمع نہیں کروائے۔
جے یو آئی کے زاہد اکرم درانی بلامقابلہ ڈپٹی اسپیکر منتخب ہو گئے۔ ان کی کامیابی کا اعلان باقاعدہ طور پر کل کیا جائے گا۔زاہد اکرم درانی کل اپنے عہدے کا حلف اٹھائیں گے۔
واضح رہے کہ نو منتخب حکومت کی طرف سے زاہد اکرم کو متفقہ طور پر ڈپٹی اسپیکر لے لیے نامزد کیا گیا تھا۔