سعودی عرب کی ایئر لائن السعودیہ نے عید الفطر کے دوران فضائی سفر کی سہولیات میں اضافے کے لیے اہم اقدام کیا ہے۔سعودی ویب سائٹ کے مطابق السعودیہ نے عید الفطر کے دوران سفر کی سہولت بڑھانے کے لیے داخلی پروازوں میں 10 ہزار نشستوں کا اضافہ کر دیا ہے۔سعودی عریبین ایئر لائنز (السعودیہ) کی جانب سے کہا گیا ہے کہ عید الفطر کے دوران زیادہ سے زیادہ افراد کو سفر کی سہولت فراہم کرنے کے لیے داخلی پروازوں میں 10 ہزار سے زیادہ نشستوں کا اضافہ کر دیا گیا۔السعودیہ کا کہنا ہے کہ جمعرات 28 اپریل 2022 سے لے کر عید الفطر کی تعطیلات کے اختتام تک 10 ہزار سے زائد اضافی نشستیں اندرون ملک سفر کرنے والوں کے لیے مہیا ہوں گی۔ایئر لائن کے مطابق بعض پروازوں کے لیے بڑے طیارے استعمال کیے جائیں گے اور اضافی پروازیں بھی چلائی جائیں گی۔
