سیاسی طور پر پہلی کامیابی حاصل کر لی، اب آگے بڑھنا ہے: آصف زرداری

نواب شاہ: (ویب ڈیسک) سابق صدر پاکستان آصف علی زرداری نے کہا ہے کہ سیاسی طور پر پہلی کامیابی حاصل کر لی، اب آگے کی طرف بڑھنا ہے۔
انہوں نے یہ بات زرداری قبیلے کے معززین سے ملاقات کے دوران کہی جنہوں نے سابق صدر سے ملاقات کی اور انہیں عیدالفطر کی مبارکباد دی۔
پاکستان پیپلزپارٹی سے تعلق رکھنے والے سابق صدر پاکستان آصف زرداری نے ملاقات کرنے والے معززین کے وفد کو عید الفطر کی مبارکباد دیتے ہوئے کہا کہ زرداری قبیلے نے ہمیشہ مجھ پر اعتماد کیا۔
انہوں نے کہا کہ پہلے بھی آپ کے لیے کام کیے ہیں، آئندہ بھی آپ کے مسائل کے حل کو ترجیح دوں گا، سیاسی طور پر پہلی کامیابی حاصل کی اب آگے کی طرف بڑھنا ہے۔
آصف زرداری نے دعویٰ کیا کہ درس گاہوں کے قیام اور اسپتالوں کی تعمیر سے متعلق نواب شاہ میں ریکارڈ ترقیاتی کام ہوئے ہیں۔