سڈنی: (ویب ڈیسک) آسٹریلیا میں کسان نے اپنے پالتو کتے کو گاڑی چلانا سیکھا دیا جو اب پیشہ ورانہ امور میں مالک کو مدد فراہم کرتا ہے۔
غیرملکی خبر رساں ادارے کی رپورٹ کے مطابق آسٹریلوی ریاست وکٹوریا میں کیمرون نامی کسان نے اپنے کتے ’لیزی‘ کو گاڑی چلانے کی تربیت دی، کتا اپنے مالک کے کھیت میں گاڑی چلاتا ہے جس کی ویڈیو بھی سوشل میڈیا پر وائرل ہوگئی۔
رپورٹ میں بتایا گیا کہ کسان کے اس کتے کی عمر ایک سال ہے جو ٹریکٹر بھی چلانا جانتا ہے۔ کیمرون کا کہنا ہے کہ لیزی جب چھوٹا تھا تو کھیت میں ایک حادثے کے باعث شدید زخمی ہوا جس کے بعد فیصلہ کیا کہ اسے گاڑی چلانا سکھاؤں گا تاکہ وہ گاڑی میں محفوظ رہتے ہوئے میری مدد کرے گا۔
لیزی نامی یہ کتا پہلا نہیں جو گاڑی چلانا جانتا ہو بلکہ اس سے قبل 2012 میں دو کتوں نے دنیا میں سب سے پہلے گاڑی چلانے والے کتوں کا اعزاز حاصل کیا تھا۔
