لاہور: (ؤیب ڈیسک) پی سی بی کا کنڈیشنگ کیمپ آج سے شروع ہوگا، ساٹھ کھلاڑیوں کو نیشنل ہائی پرفارمنس سینٹر لاہور طلب کرلیا گیا، کیمپ دو مختلف مرحلوں میں لگایا جائے گا۔
پہلا مرحلہ پندرہ سے پچیس مئی تک جاری رہے گا جس میں ستائیس کھلاڑی شرکت کریں گے جبکہ چھبیس مئی سے دس جون تک جاری رہنے والے دوسرے مرحلے میں تینتیس کھلاڑیوں کو طلب کیا گیا ہے۔
انگلش کاؤنٹی چیمپئن شپ میں مصروف کھلاڑیوں کو کنڈیشنگ کیمپ میں طلب نہیں کیا گیا۔ بابر اعظم، شاداب خان ، فخر امام ، امام الحق، عماد وسیم، عابد علی سمیت متعدد کھلاڑی کیمپ میں شرکت کریں گے۔
