جاوا: (ویب ڈیسک) انڈونیشیا میں سیاحوں کی بس سڑک کنارے نصب بل بورڈ کے کھمبے سے ٹکراگئی جس کے نتیجے میں 14 افراد ہلاک اور 19 زخمی ہوگئے۔
عالمی خبر رساں ادارے کے مطابق انڈونیشیا کے کے صوبے جاوا میں معروف تفریح گاہ ڈینگ پلوٹو سے لمبی اور تھکا دینے والے سفر سے واپسی پر ڈرائیور کو اونگھ آگئی اور بس کھمبے سے جا ٹکرائی۔
مسافر بس کے بل بورڈ کے کھمبے سے ٹکرانے کے باعث 14 افراد ہلاک اور 19 زخمی ہوگئے۔ ہلاک اور زخمی ہونے والوں کو قریبی اسپتال منتقل کردیا گیا ہے۔
زخمیوں میں سے 5 کی حالت نازک ہونے کے سبب ہلاکتوں میں اضافے کا خدشہ ظاہر کیا جا رہا ہے۔ ہلاک اور زخمی ہونے والوں میں مقامی اور غیرملکی سیاح بھی شامل ہیں۔
ہلاک ہونے والے سیاحوں کی شناخت ظاہر نہیں کی گئی ہے۔ بس حادثے کی تحقیقات کے لیے انکوائری کمیٹی تشکیل دیدی گئی۔
انڈونیشیا میں سیاحوں کی بس بل بورڈ کے کھمبے سے ٹکرا گئی، 14 ہلاک
