لیسٹر: (ویب ڈیسک) ٹی ٹوئنٹی وٹالٹی بلاسٹ میں مرد میدان شان مسعود کے 53 رنز کی بدولت 5 وکٹوں پر 159 رنز بنانے والی ٹیم ڈربی شائر نے لیسٹر شائر کو 89 رنز پر محدود کر کے 70 رنز سے کامیابی یقینی بنا لی۔
ڈربی شائر میں شان مسعود کی بطور کپتان اولین فتح ہے کیونکہ ایک روز قبل وہ برمنگھم بیئرز کیخلاف 12 رنز ہی بنا سکے تھے اور انکی ٹیم 4 رنز سے ہار گئی تھی۔
برسٹل میں سسیکس کے محمد رضوان 58 رنز بنا کر گلوسیسٹر شائر کو کامیابی نہ دلا سکے جبکہ حریف ٹیم میں موجود نسیم شاہ نے 2 وکٹیں حاصل کیں۔
مانچسٹر میں یارکشائر کے حارث رؤف نے بھی 2 وکٹیں حاصل کیں اور وکٹ سے محروم شاداب خان 5 رنز پر ناٹ آؤٹ رہے تاہم لنکا شائر کیخلاف میچ ٹائی ہو گیا۔
