ڈاکٹر عامر لیاقت کے پوسٹ مارٹم کے معاملے پر اہلخانہ کا عدالت سے رجوع کرنے کا فیصلہ

کراچی: (ویب ڈیسک) ڈاکٹر عامر لیاقت کے پوسٹ مارٹم کے معاملے پر ان کے اہلخانہ نے عدالت سے رجوع کرنے کا فیصلہ کیا ہے۔
بتایا گیا ہے کہ ڈاکٹر عامر لیاقت کے اہلخانہ سٹی کورٹ روانہ ہو گئے، ورثا کا موقف ہے کہ بچے اپنے والد کا پوسٹمارٹم نہیں کروانا چاہتے تاہم پولیس کا کہنا تھا کہ ڈاکٹر عامر لیاقت حسین کے انتقال کے معاملے کی حساسیت کے پیش نظر پوسٹمارٹم کروانا ضروری ہے۔
دوسری جانب پولیس افسران بھی عدالت روانہ ہو گئے، ان کا کہنا تھا کہ عدالت کو صورتحال سے آگاہ کریں گے، اگر عدالت نے اجازت دی تو میت ورثا کے حوالے کر دیں گے۔
واضح رہے کہ معروف ٹی وی میزبان اور رکن قومی اسمبلی ڈاکٹر عامر لیاقت گذشتہ روز کراچی میں انتقال کر گئے تھے۔