کارانداز اور FINCA مائیکرو فنانس بینک کے درمیان پاکستانی خواتین کی مالی شمولیت کی فعالی کیلئے شراکت داری

لاہور : (ویب ڈیسک)کارانداز اور FINCA مائیکرو فنانس بینک نے پاکستان میں خواتین کی مالی شمولیت کے فروغ کیلئے مشترکہ کوششوں کے حوالے سے ایک معاہدہ پر دستخط کئے ہیں۔باہمی مفاہمت کی یاداشت(ایم او یو) پر دستخط کی تقریب FINCA پاکستان کے لاہور میں واقع مرکزی دفتر میں منعقد ہوئی،جس کی صدارت FINCA مائیکرو فنانس بینک کے سی ای او جہانزیب خان اور کارانداز کے سی ای او وقاص الحسن نے کی،جبکہ اس موقع پر دونوں اداروں کی سینئر انتظامی اراکین بھی موجود تھے۔
اس معاہدہ کے تحت کارانداز نے ایک ایکسپلوریشن پروگرام کے آغاز اور اسے چلانے کیلئے FINCA مائیکرو فنانس بینک پاکستان کو گرانٹ دینے کا عہد کیا ہے،جو صنفی امتیاز کوکم کرنے کے مقصدسے FINCA کو صنفی حساس مصنوعات اور مواصلاتی حکمت عملی کی تشکیل میں مدد دے گا۔
کارانداز کے سی سی او وقاص الحسن نے اس تعاون پر اظہار خیال کرتے ہوئے کہا کہ ”چھوٹی بچت کرنے والوں اور غیر محفوظ طبقات کی مالی شمولیت،کارانداز کی ملک میں زیادہ مالی شمولیت کی توجہ کا مرکز ہے،تازہ گلوبل فائنڈیکس 2021کے مطابق،پاکستان میں ٹاپ لائن مالی شمولیت کا تخمینہ21فیصد لگایا گیا ہے،اگر ہم صنفی تقریق کے اعداد و شمار پر نظر ڈالیں،تو ایک اندازہ کے مطابق اس وقت پاکستان کی 28فیصد بالغ مرد آبادی مالی شمولیت میں آتی ہے،جبکہ بالغ خواتین کا تناسب13فیصد ہے۔ہمیں امید ہے کہ کارانداز کے تعاون سے،کسٹمائزڈ مصنوعات اور ایک بھرپور آؤٹ ریچ مہم کے ذریعہ،FINCA پاکستانی مرد اور خواتین کی مالی شمولیت کے درمیان اس فرق کو ختم کرنے اورپاکستان کیلئے مالی شمولیت کے رجحان کو مزید تیز کرنے میں ایک موثر کردار ادا کرسکے گا۔“
اس موقع پر FINCA مائیکرو فنانس بینک کے سی ای او جہانزیب خان کا کہنا تھا کہ ”خواتین کو با اختیار بنانا FINCA کے غربت کے خاتمہ کے مشن کی بنیاد ہے،اپنے قیام کے بعد سے،FINCA نے پاکستان کے120سے زائد شہروں اور 130سے زائد شاخوں کے نیٹ ورک کے ذریعہ خواتین کو افرادی قو ت کے ساتھ ساتھ کلائنٹ بیس میں با اختیار بنانے کی کوشش کی ہے۔حال ہی میں ہم نے عالمی تنوع اور شمولیت بینچ مارکس ایوارڈ2021جیتا ہے،اور انڈسٹری میں خواتین کی سب سے زیادہ افرادی قوت رکھنے پر ہمیں فخر ہے۔انہوں نے مزید کہا کہ پاکستان میں جہاں خواتین کو غیر مناسب طور پر کم خدمات فراہم کی جاتی ہیں،وہاں تخلیقی اقدامات کی ضرورت ہے،جیسا کہ FINCA کی اسلام آباد میں مکمل طور پر خواتین پر مشتمل انڈسٹری کی پہلی شاخ ہے۔ہم نے خواتین کاروباریوں کی کامیابیوں کی ہزاروں کہانیاں دیکھی ہیں،جنہوں نے صحیح مالیاتی خدمات کے ساتھ اپنی زندگیاں بدل لی ہیں۔اور ان تمام مثالوں میں خواتین نے ثابت کیا ہے کہ وہ ذمہ دار قرض لینے والے،محنتی پروفیشنل اور بااعتماد کسٹمرز ہیں۔خواتین کیلئے مواقعوں میں اضافہ،خاص طور پر ان کیلئے پراڈکٹس ڈیزائن کرنے اور خواتین کی مساوات پر توجہ مرکوز کرنے والی کارنداز جیسی تنظیموں کے ساتھ شراکت داری کے ذریعہ،FINCA خواتین کی طویل مدتی مالیاتی مضبوطی کے تعاون کیلئے 18ذیلی اداروں میں خواتین پر مبنی مالیات کیFIFکی وارثت جاری رکھ کر انہیں زیادہ آرام دہ زندگی گذارنے کے موقع فراہم کرسکتی ہے۔“