تازہ تر ین

ہم نے پارلیمنٹ بنالی،الیکشن کروانے شروع کردیےلیکن اپنے رویوں سےملک نہیں بناسکے: قمرالزماں کائرہ

اسلام آباد: (ویب ڈیسک) وزیراعظم کے مشیر برائے امور کشمیر و گلگت بلتستان قمرالزماں کائرہ نے کہا ہے کہ ہم نے پارلیمنٹ بنا لی، الیکشن کروانے شروع کردیے لیکن ہم اپنے رویوں سے ملک نہیں بنا سکے، ہمیں دنیا سے سیکھنے کی ضرورت ہے۔
پاکستان پیپلزپارٹی کے مرکزی رہنما قمر الزماں کائرہ نے یہ بات نیشنل پریس کلب اسلام آباد میں سینئر صحافی و کالم نگار امجد صدیقی کی کتاب ’ سفر کہانی‘ کی منعقدہ تقریب رونمائی سے بحیثیت مہمان خصوصی خطاب کرتے ہوئے کہی۔
وزیراعظم کے مشیر نے خطاب کرتے ہوئے کہا کہ ہم لوگ اپنے بارے میں سچ نہیں لکھتے، اپنی خامیاں و کمیاں چھپا لیتے ہیں لیکن مصنف نے اپنے بارے میں سچ لکھا ہے اور بہت ہمت کی ہے۔
قمرالزماں کائرہ نے کہا کہ ہجرت کا جو سفر ہے وہ بہت عجیب ہے، میرے علاقے گجرات کے لوگ دنیا بھر میں گئے ہیں، ہمارے لیے یہ فخر کی بات ہے لیکن آج کل سفر بہت مشکل ہو گیا ہے مگر رکا نہیں ہے۔
انہوں نے کہا کہ لیگل امیگرنٹس چونکہ بہت مہنگے ہیں اس لیے سستی لیبر ترقیافتہ ممالک میں غیر قانونی امیگریشن کی جگہ بنائے رکھتی ہے، بیرون ملک مقیم لوگ بڑی جدوجہد اور سخت محنت مشقت کے بعد رقوم بھجوانے کے قابل ہوتے ہیں، پاکستانی بڑی محنتی قوم ہے۔
پی پی رہنما اور وزیراعظم کے مشیر قمرالزماں کائرہ نے کہا کہ پاکستان کی ترقی میں اوور سیز پاکستانیوں کا بہت بڑا کردار ہے، دنیا سے سیکھ کر آپ علم حاصل کر لیں تو یہ بڑی بات ہے۔


اہم خبریں





دلچسپ و عجیب
کالم
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain