پاکستان جونیئر لیگ: گوادر شارکس نے گوجرانوالہ جائنٹس کو زیر کرلیا

لاہور: (ویب ڈیسک) پاکستان جونیئر لیگ (پی جے ایل) میں گوادر شارکس نے گوجرانوالہ جائنٹس کو 44 رنز سے زیر کر لیا۔
لاہور کے قذافی سٹیڈیم میں جاری ایونٹ کے میچ میں گوادر شارکس اور گوجرانوالہ جائنٹس کے مابین میچ کھیلا گیا۔
فاتح ٹیم نے پہلے کھیلتے ہوئے مقررہ 20 اوورز میں 131 رنز بنائے، عرفات منہاس نے 30 گیندوں پر 37 اور لک بینکینسٹائن نے 20 گیندوں پر 26 رنز بنائے، محمد ابتسام اور حسن علی جونیئر نے 2،2 وکٹ حاصل کیں۔
132 رنز ہدف کے تعاقب میں گوجرانوالہ کی 15 اعشاریہ 4 اوورز میں صرف 87 رنز پر ڈھیر ہوگئی، شیون ڈینئیل نے 28 اور میتھیو ٹرامپ نے 14 سکور بنائے، عرفان منہاس نے 13 رنز کے عوض 4 جبکہ مومن قمر نے 21 رنز دیکر 2 کھلاڑیوں کو پویلین کی راہ دکھائی۔
میچ میں 37 رنز اور 13 رنز کے عوض شاندار آل راؤنڈ کارکردگی کا مظاہرہ کرتے ہوئے 4 وکٹ لینے پر عرفات منہاس کو بہترین کھلاڑی کا ایوارڈ دیا گیا۔