جیک ڈریپر اور ڈین ایونز کا یورپین اوپن ٹینس مینز سنگلز میں فاتحانہ آغاز

برسلز: (ویب ڈیسک) انگلینڈ کے ٹینس کھلاڑی جیک ڈریپر اور ڈین ایونز یورپین اوپن ٹینس ٹورنامنٹ میں مردوں کے سنگلز مقابلوں کا فاتحانہ آغاز کرتے ہوئے دوسرے راؤنڈ میں پہنچ گئے۔
جیک ڈریپر نے امریکی حریف کھلاڑی امریکی جینسن بروکسبی کو شکست دی جبکہ ڈین ایونز نےنیدرلینڈز کے ٹیلن گریکسپور کو مات دی، اے ٹی پی کے زیر اہتمام یورپین اوپن ٹینس ٹورنامنٹ کے دلچسپ مقابلوں کا سلسلہ بیلجیئم کے شہر اینٹورپ میں جاری ہے۔
مردوں کے سنگلز مقابلوں کے ابتدائی راؤنڈ میں 20 سالہ برطانوی ٹینس کھلاڑی جیک ڈریپر نے عمدہ کارکردگی کامظاہرہ کرتے ہوئے امریکی حریف جینسن بروکسبی کو سٹریٹ سیٹس میں 1-6 اور 2-6 سے شکست دے کر نہ صرف ٹورنامنٹ کا فاتحانہ آغاز کیا بلکہ دوسرے راؤنڈ کے لئے بھی کوالیفائی کرلیا، جہاں ان کا مقابلہ ٹاپ سیڈ پولینڈ کے ہیوبرٹ ہرکاز سے ہوگا۔
ایک اور میچ میں 32 سالہ برطانوی ٹینس سٹار ڈین ایوانز نے شاندار کھیل پیش کرتے ہوئے نیدرلینڈز کے حریف کھلاڑی ٹیلن گریکسپور کو سیدھے سیٹس میں 3-6 اور 4-6 سے ہرا کر دوسرے راؤنڈ کے لئے کوالیفائی کرلیا، عالمی نمبر 48 کا اگلا مقابلہ ٹاپ سیڈ پولینڈ کے ہیوبرٹ ہرکاز سے ہوگا۔