اسلام آباد: (ویب ڈیسک) پاکستان نے سعودی عرب سے اظہار یکجہتی کرتے ہوئے اوپیک کے حوالے سے مملکت کیخلاف بیانات پر مکمل یکجہتی کا اظہار کیا ہے۔
ترجمان دفتر خارجہ عاصم افتخار کی طرف سے جاری کردہ بیان کے مطابق ہم سعودی عرب کی طرف سے عالمی معاشی استحکام کیلیے مارکیٹ کے اتار چڑھاؤ سے بچنے کی تشویش کی تعریف کرتے ہیں، پاکستان ایسے معاملات پرتعمیری سوچ کی حوصلہ افزائی کرتا ہے، سعودی عرب سے عرصہ دراز سے قائم پائیدار تعلق کا اعادہ کرتے ہیں۔
