فخر زمان کی جگہ محمد حارث اسکواڈ میں شامل

لاہور: (ویب ڈیسک) ٹی ٹوئنٹی ورلڈ کپ کے لیے انجرڈ فخر زمان کی جگہ محمد حارث کو اسکواڈ میں شامل کر لیا گیا۔
آئی سی سی کی ٹیکنیکل کمیٹی نے پاکستانی اسکواڈ میں فخر زمان کی جگہ محمد حارث کو شامل کرنے کی منظوری دے دی۔
فخر زمان کی انجری کے بعد ٹیم منیجمنٹ نے آئی سی سی کی ٹیکنیکل کمیٹی سے ریزرو کھلاڑیوں کی فہرست میں شامل محمد حارث کو شامل کرنے کی درخواست کی تھی ۔
ورلڈ کپ سے قبل فخر زمان گھنٹے کی انجری کا شکار ہوئے تھے۔فخر زمان کو اُن فٹ عثمان قادر کی جگہ ورلڈ کپ اسکواڈ میں شامل کیا گیا تھا۔
فخر زمان کو نیدر لینڈ کیخلاف میچ میں پلیئنگ الیون کا حصہ بنایا گیا تھا جہاں وہ رن لینے کے دوران دوبارہ انجری کا شکار ہو گئے تھے۔
ٹیم ڈاکٹر نجیب سومرو کا کہنا تھا کہ انجری کا شکار فخر زمان کو کھلا کر رسک لیا گیا تھا جس میں کبھی کامیابی کبھی ناکامی ملتی ہے۔
انہوں نے بتایا کہ میڈیکل پینل ان کی انجری کو سنجیدگی سے دیکھ رہا ہے۔ بد قسمتی سے فخر زمان کی پرانی انجری دوبارہ سے ہوئی ہے۔
واضح رہے کہ آج پاکستان جنوبی افریقہ کیخلاف میچ کھیلے گا۔ سیمی فائنل تک رسائی کی دوڑ میں رہنے کے لیے قومی ٹیم کے لیےآج جیت ضروری ہے۔ ٹائٹل کی دوڑ کے لیے دونوں ٹیموں کو اچھا نیٹ رن ریٹ چاہیے ہوگا۔