لاہور: (ویب ڈیسک) آئی سی سی ٹی ٹوئنٹی ورلڈکپ کے پہلے سیمی فائنل میں پاکستان نے نیوزی لینڈ کو شکست دے کر فائنل کے لیے کوالیفائی کرلیا ہے۔
پاکستان نے نیوزی لینڈ کی جانب سے دیا گیا 153 رنز کا ہدف آخری اوور میں حاصل کیا، بابر اعظم اور محمد رضوان نے نصف سنچریاں اسکور کیں۔
فائنل میں پہنچنے میں پاکستان ٹیم کی محنت ،قوم کی دعاؤں اور ساتھ ہی نیدرلینڈز ٹیم کا بھی بڑا ہاتھ ہیں کیونکہ اگر نیدلینڈز کی ٹیم اپنےآخری گروپ میچ میں مشکل حریف جنوبی افریقا کو شکست نہ دیتی تو پاکستان کا سیمی فائنل میں پہنچنا بظاہر ناممکن تھا۔
فائنل میں پہنچنے پر نیدرلینڈز کرکٹ نے بھی پاکستان ٹیم کو جیت کی مبارک باد دی ہے۔
سوشل میڈیا پر بیان جاری کرتے ہوئے کرکٹ نیدرلینڈز نے لکھا کہ ‘فائنل میں پہنچنے والی پہلی ٹیم پاکستان نے اچھی کرکٹ کھیلی جسے دیکھ کر اچھا لگا۔
یاد رہے کہ اتوار کی صبح ایڈیلیڈ میں کھیلے جانے والے میچ میں نیدرلینڈز نے جنوبی افریقا کو 13 رنز سے شکست دے کر اسے ٹورنامنٹ سے باہر کردیا تھا جبکہ پاکستان اور بنگلادیش کا ہونے والا میچ کوارٹر فائنل کی صورت اختیار کرگیا تھا۔
تاہم پاکستان نے بنگلادیش کو شکست دے کر سیمی فائنل کے لیے کوالیفائی کیا تھا۔
