کراچی : (ویب ڈیسک) بابائے قوم ، بانی پاکستان قائد اعظم محمد علی جناح کا یوم پیدائش آج ملی جو ش و جذبے اور انتہائی عقیدت و احترام کیساتھ منایا جا رہا ہے
قائد اعظم کے یوم پیدائش پرکراچی میں مزارِ قائد پر گارڈز کی تبدیلی کی پُرقار تقریب منعقد ہوئی۔ پاکستان ملٹری اکیڈمی کاکول کے دستے نے مزارِ قائد پر گارڈز کے فرائض سنبھال لیے۔
پاک فضائیہ کے کیڈٹس نے گارڈز کے فرائض پاک آرمی کے کیڈٹس کے حوالے کیے۔ میجر جنرل عمر عزیز تقریب کے مہمان خصوصی تھے۔
اعزازی گارڈز نے میجر جنرل عمر عزیز کو جنرل سلام پیش کیا۔ مہمان خصوصی نے گارڈز کا معائنہ کیا۔ مزار پر پھول رکھے اور فاتحہ خوانی کی۔
قائد اعظم کا یوم پیدائش،مزار قائد پر گارڈز تبدیلی کی تقریب
