اسلام آباد: (ویب ڈیسک) ادارہ شماریات کی رپورٹ کے مطابق رواں مالی سال جولائی سے جنوری تجارتی خسارے میں 32 فیصد کمی ریکارڈ کی گئی۔
ادارہ شماریات کے مطابق جولائی سے جنوری تجارتی خسارہ 19 ارب 63 کروڑ ڈالر رہا، گزشتہ سال اسی مدت میں تجارتی خسارے کا حجم 28 ارب 85 کروڑ ڈالر تھا، سات ماہ میں برآمدات 7.16 فیصد کمی سے 16 ارب 46 کروڑ ڈالر رہیں۔
رپورٹ کے مطابق درآمدات کا حجم 22.53 فیصد کمی سے 36 ارب 10 کروڑ ڈالر رہا، دسمبر کی نسبت جنوری میں برآمدات 4.31 فیصد کمی سے 2 ارب 21 کروڑ ڈالر رہیں، جنوری 2022 کے مقابلے گزشتہ ماہ برآمدات میں 15.42 فیصد کمی آئی۔
رواں مالی سال جولائی تا جنوری تجارتی خسارے میں 32 فیصد کمی ریکارڈ
