اسلام آباد : (ویب ڈیسک) وفاقی حکومت کی جانب سے اسلام آباد انٹرنیشنل ایئر پورٹ کی آؤٹ سورسنگ پر کام تیزکردیا گیا ہے ۔
ڈی جی سی اے اے کے مطابق انٹرنیشنل فنانشل انسٹیٹیوشن، سی اے اے سے مل کر آؤٹ سورسنگ کا پلان تیار کرے گا ، آؤٹ سورسنگ کے لیے انٹرنیشنل فنانشل انسٹیٹیوشن کی خدمات حاصل کرنے کا فیصلہ کیا گیا ہے۔
ایئرپورٹ کی آؤٹ سورسنگ کے عمل میں انٹرنیشنل آپریٹرز کو مدعو کیا جائے گا، پبلک پرائیوٹ پارٹنرشپ ایکٹ کو مدنظر رکھ کر پلان تیار کیا جائے گا، آؤٹ سورسنگ کے تحت اسلام آباد ایئرپورٹ کے ٹرمینل، بلڈنگ اور کار پارکنگ حوالے کی جائے گی۔
ڈی جی سی اے اے کے مطابق زیادہ بولی لگانے والی کمپنی کو اسلام آباد انٹرنیشنل ایئر پورٹ آؤٹ سورسنگ پر دیا جائے گا۔
