جیل سے رہائی کے بعد میاں عباد فاروق کی عمران خان سے ملاقات

لاہور: (ویب ڈیسک) جیل سے رہائی کے بعد پی ٹی آئی رہنما میاں عباد فاروق کی چیئرمین تحریک انصاف عمران خان سے ملاقات ہوئی۔
عمران خان نے میاں عباد فاروق کو جیل سے رہائی اور پارٹی کیساتھ ڈٹ کر کھڑے رہنے پر شاباش دی، عمران خان نے میاں عباد فاروق کو جیل بھرو تحریک کا "لاہوری ٹائیگر” قرار دے دیا۔
عمران خان نے کہا کہ پارٹی کے نوجوان تحریک انصاف کا ہر اول دستہ ہیں، پارٹی میں محنت کرنے والے نوجوانوں کو آگے لایا جائے گا۔
چیئرمین تحریک انصاف نے کہا کہ امپورٹڈ حکومت نے ظلم اور جبر کے تمام ریکارڈ توڑ دیئے ہیں، تحریک انصاف کی مقبولیت سے امپورٹڈ حکومت گھبرائی ہوئی ہے۔