حارث اور شاہین کو ون ڈے میں رفتار بڑھانے کی ضرورت ہے: رمیز راجا

لاہور: (ویب ڈیسک) پاکستان کرکٹ بورڈ ( پی سی بی ) کے سابق چیئرمین رمیز راجا کا کہنا ہے کہ قومی ٹیم کے فاسٹ باؤلرز شاہین شاہ آفریدی اور حارث رؤف کو ون ڈے کرکٹ میں زیادہ موثر ہونے کے لیے اپنی رفتار بڑھانے کی ضرورت ہے۔
اپنے یوٹیوب چینل پر بات کرتے ہوئے رمیز راجا نے حارث کے یارکرز پر انحصار کرنے یا ٹی 20 میں موثر ہونے کے لیے رفتار کی تبدیلی پر روشنی ڈالی اور نیوزی لینڈ کے خلاف پہلے ون ڈے میچ میں دونوں فاسٹ باؤلرز کی رفتار میں کمی پر تشویش کا اظہار کیا۔
سابق چیئرمین پی سی بی کا کہنا تھا کہ حارث پر ایک سوالیہ نشان منڈلا رہا ہے اور میرے خیال میں اس کی وجہ یہ ہے کہ وہ لینتھ باؤلر کی طرح موثر نہیں ہیں، مجموعی طور پر اس کی رفتار میں کمی آئی ہے، مجھے نہیں معلوم کہ وہ خود بھی کم رفتار کے ساتھ باؤلنگ کر رہے ہیں یا نہیں۔
رمیز راجا نے شاہین آفریدی کو اپنی اوسط رفتار 136 بڑھانے اور آگے باؤلنگ کرتے ہوئے ایک یا دو درجے اوپر جانے کی ضرورت پر بھی روشنی ڈالی۔
ان کا کہنا تھا کہ شاہین کو بھی اپنی 136 کی اوسط رفتار میں اضافہ کرنے کی ضرورت ہے اور جب وہ آگے بولنگ کرتے ہیں تو ایک یا دو درجے اوپر جاتے ہیں، یہ اس لیے ہے کہ ایسی پچوں پر آپ کو اپنی باؤلنگ بارے اچھی طرح سمجھنا ضروری ہے۔