آئی ایم ایف کی شرائط کڑی، معاہدہ ہونا بہت مشکل ہے: زبیر موتی والا

کراچی: (ویب ڈیسک) چیئرمین ٹریڈ ڈوپلپمنٹ اتھارٹی زبیر موتی والا نے کہا ہے کہ آئی ایم ایف نے معاہدے کیلئے بہت کڑی شرائط رکھی ہیں معاہدہ ہونا بہت مشکل ہے۔
کراچی ایکسپو سینٹر میں ٹیکسپو نمائش کے موقع پر زبیر موتی والا کا کہنا تھا کہ ملکی معیشت کیلئے آئی ایم ایف سے ایگریمنٹ ہونا ضروری ہے، ٹیکسپو نمائش میں روس کی جانب سے خصوصی دلچسپی ظاہر کی جا رہی ہے، وزیر اعظم نے بھی ٹیکسپو نمائش پر تعریف کی ہے، پہلی بار 160 ممالک سے 480 سے زائد مندوبین نے شرکت کر کے ریکارڈ قائم کر دیا۔
زبیر موتی والا نے کہا کہ ٹیکسپو نمائش میں 250 ملین ڈالر کے برآمدی ہوگئے ہیں، بیرونی سرمایہ کار پاکستانی ٹیکسٹائل کی مصنوعات سے کافی مطمئن ہیں، ٹیکسپو نمائش کے اختتام تک 500 ملین ڈالر کے معاہدے طے پانے کی توقعات ہیں، نمائش میں ایک ہزار سے زائد بزنس ٹو بزنس میٹنگز ہو چکی ہیں۔
انہوں نے کہا کہ غیر ملکی مندوبین نے پاکستانی مصنوعات کو بھارت سے بہتر قرار دے دیا ہے، اب تک نمائش میں برازیل، ملائیشیا ، پولینڈ ، متحدہ عرب امارات، سعودیہ عرب، ہانگ کانگ، سپین کے ساتھ معاہدے طے پائے ہیں، وزیر اعظم نے ایکسپورٹ کی ترقی کیلئے بہت جلد دوسری ملاقات کا کہا ہے۔
چیئرمین ٹریڈ ڈوپلپمنٹ اتھارٹی نے وزیر اعظم سے مطالبہ کیا ہے کہ ری فنڈز کو 72 گھنٹے میں کلیئر کریں۔