قومی ایئرلائن پی آئی اے کو ایندھن نہ ملنے کے باعث اب تک 300 پروازیں منسوخ ہوچکی ہے، اور یومیہ 50 کروڑ روپے کا نقصان ہورہا ہے۔
حکومتی وعدے کے تحت قومی ایئرلائن پی آئی اے کو فوری مالی فنڈ جاری نہیں کیے گئے، جب کہ حکومت کی جانب سے ضمانت نہ دینے کی وجہ سے پی آئی اے کو بینکوں سے بھی 7 ارب روپے قرض جاری نہیں ہوسکا، جس کے باعث پی آئی اے کی مزید پروازیں منسوخ ہوگئی ہیں۔
ذرائع کا کہنا ہے کہ یومیہ پروازیں منسوخی سے قومی ادارے کو 50 کروڑروپے کا نقصان ہورہا ہے، اب تک پی آئی اے کی منسوخ پروازیں کی تعداد 300 سے تجاوز کر گئی ہے، اور 2 ہفتوں کے دوران ادارے کو 8 ارب روپے کا نقصان ہوچکا ہے۔
