سینئر وکیل اعتزاز احسن نے گمشدہ افراد کی بازیابی کے لیے سپریم کورٹ میں درخواست دائر کر دی۔
اعتزاز احسن کی جانب سے سپریم کورٹ سے شہریوں کو جبری گُم یا لاپتہ کرنے کی روایت فوری ختم کرانے کی استدعا کی گئی ہے۔
درخواست میں استدعا کی گئی ہے کہ لاپتہ شہریوں کو فوری بازیاب کرانے کا حکم دیا جائے۔
اعتزاز احسن نے استدعا کی ہے کہ طاقتور کمیشن بنایا جائے جو لاپتہ افراد کی بازیابی کو ممکن بنائے۔
درخواست میں اعتزاز احسن کی جانب سے وفاق، صوبائی حکومتوں، چاروں آئی جی پولیس اور لاپتہ افراد کمیشن کو فریق بنایا گیا ہے۔
