نیب نے العزیزیہ ریفرنس میں نواز شریف کی سزا بڑھانے کی اپیل دائر کررکھی ہے، جس پر سماعت کل اسلام آباد ہائی کورٹ میں ہوگی۔
اسلام آباد ہائیکورٹ میں العزیزیہ ریفرنس میں سابق وزیراعظم نواز شریف کی سزا بڑھانے کے لیے نیب اپیل پر سماعت کل ہوگی۔
رجسڑار آفس نے کاز لسٹ جاری کررکھی ہے، جس کے تحت نیب کی اپیل پر سماعت 7 دسمبر کو جسٹس عامر فاروق اور جسٹس میاں گل حسن اورنگزیب کریں گے۔
واضح رہے کہ 24 دسمبر 2018 کو اسلام آباد کی احتساب عدالت نے سابق وزیراعظم نواز شریف کو العزیزیہ اسٹیل ملز ریفرنس میں7 سال قید اور جرمانے کی سزا سنائی تھی، اور نواز شریف نے احتساب عدالت سے سزا کیخلاف اپیل دائر کررکھی ہے، جب کہ نیب نے العزیزیہ ریفرنس میں نواز شریف کی سزا بڑھانے کی اپیل دائر کر رکھی ہے۔
العزیزیہ ریفرنس میں نواز شریف کی سزا معطل
سابق وزیراعظم نے پنجاب حکومت کو سزامعطل کرنے کی درخواست کی تھی، جس پر 24 اکتوبر 2023 کو نگراں پنجاب کابینہ نے نوازشریف کی العزیزیہ ریفرنس میں سزا معطلی کی منظوری دے دی تھی۔
