ڈیرہ اسماعیل خان میں تھانہ درابن پر دہشت گردوں کے حملے کے نتیجے میں تین اہلکار شہید ہوگئے۔
پولیس کے مطابق دہشت گردوں نے تھانے کے مین گیٹ پر بارود سے بھری گاڑی ٹکرائی جس سے تین اہلکار شہید اور 16 زخمی ہوئے ہیں۔
پولیس کا کہنا ہے کہ تھانے کے قریب سے اب بھی فائرنگ کی آوازیں سنائی دے رہی ہیں، پولیس اور سیکیورٹی فورسز کی بھاری نفری درابن تھانے کی جانب روانہ کردی گئی ہے۔
شہید ہونے والوں میں حوالدار ریاست اور سپاہی زوالفقار شامل ہیں، حملے میں زخمی ہونے والے اہلکاروں کو طبی امداد فراہم کرنے کے لیے اسپتال منتقل کیا جا رہا ہے۔
حکام کے مطابق اسپتال میں ایمرجنسی نافذ کر دی گئی جب کہ تحصيل درابن کے اسکول و کالج بند کردیئے گئے اور آج ہونے والا پیپر بھی ملتوی کردیا گیا۔
