مریم نواز کے بیرون ملک دوروں کی تفصیلات منظر عام ہر آگئیں

پاکستان مسلم لیگ (ن) کی سینئر نائب صدر اور چیف آرگنائزر مریم نواز کے بیرون ملک دوروں کی تفصیلات منظر عام ہر آگئیں۔

نائب صدر (ن) لیگ مریم نواز کے بیرون ممالک 2022 سے 2023 تک کے دوروں کی تفصیلات جاری کردی گئیں۔

دستاویزات کے مطابق مریم نواز نے قطر، سعودی عرب، امارات، سوئزرلینڈ اور برطانیہ کے دورے کیے، مریم نواز نے ایک سال کے دوران 17 ممالک کے دورے کیے، ان کے ایک سال میں 17 دوروں پر 74 لاکھ 22 ہزار 271 روپے کے اخراجات آئے۔

دستاویزات کے مطابق مریم نواز نے 13 نومبر 2022 سے 30 نومبر 2022 تک سوئزرلینڈ مین قیام کیا، ن لیگ کی چیف آرگنائزر کے سوئزرلینڈ 18 دن قیام کا خرچ 53 ہزار 550 روپے ہوا، انہوں نے برطانیہ کے 4 وزرٹ کیے اور 96 دن قیام کیا، 96 روز میں مریم نواز نے 22 لاکھ 50 ہزار کی رقم خرچ کی۔

دستاویزات میں بتایا گیا کہ سعودی عرب میں مریم نواز 2 دورے کیے اور 32 دن قیام کیا، سعودی عرب اور یو اے ای قیام کے دوران 24 لاکھ 88 ہزار سے زائد رقم خرچ کی، مریم نواز 2023 میں 6 لاکھ 50 ہزار 695 روپے کی آمدنی ہوئی، مریم نواز نے 2023 میں ایک لاکھ 17 ہزار 185 روپے انکم ٹیکس دیا۔