کراچی: پاکستان رینجرز اور ضلع سٹی پولیس نے انٹیلی جنس معلومات کی بنیاد پر مشترکہ کاروائی کرتے ہوئے کراچی کے علاقے عید گاہ سے انتہائی مطلوب ملزم محمد حامد عرف پیا کو گرفتار کرلیا جس کے قبضے سے ایک دستی بم بھی برآمد ہوا ہے ۔
ملزم 2009 میں ایم کیو ایم حقیقی کے لیے کام کرتا تھا اس کے بعد ایم کیو ایم لندن گروپ میں شامل ہوگیا۔
ملزم کراچی میں لسانی ، سیاسی ، اور اپنے مخالفین کی ٹارگٹ کلنگ کے علاوہ ڈکیت گروہ کا سر غنہ بھی رہا ہے ۔ ابتدائی تفتیش کے دوران ملزم نے 1994 سے اپریل 2014 تک ٹارگٹ کلنگ میں ملوث رہا ہے ملزم نے ایک پولیس اہلکار کو بھی شہید کیا تھا۔
ملزم نے اپنے ساتھیوں کے ساتھ ملکر 4 جیولری شاپس سے 123 تولہ سونا لوٹنے اور قیمتی بھی لوٹا ہے۔
ملزم لیاری گینگ وار کے ساتھ ملکر بھتہ خوری میں بھی ملوث رہا ہے اور بینک لوٹنے کا اعتراف بھی کیا ہے۔ ملزم کلاشنکوف ، ایک ایم جی اور ہزاروں کی تعداد میں اسلحہ بھی سپلائی کرتا رہا ہے ۔اس کے خلاف مختلف تھانوں میں 11 مقدمات درج ہیں۔ ، ملزم کو پولیس کے حوالے کردیا گیا ہے اور اس کے دیگر ساتھیوں کی گرفتاری کے لیے چھاپے مارے جارہے ہیں۔
