آرکنساس: امریکی ریاست آرکنساس میں فائرنگ کے واقعے میں 3 افراد ہلاک ہوگئے۔امریکی میڈیا کے مطابق آرکنساس کے شہر فارڈائیس میں ایک شخص نے مقامی اسٹور میں گھس کر اندھا دھند فائرنگ کی جس کے نتیجے میں 2 پولیس اہلکاروں سمیت 10 افراد زخمی ہوگئے۔ پولیس نے فائرنگ کے تبادلے کے بعد حملہ آور کو زخمی حالت میں گرفتار کرلیا۔پولیس حکام کا کہنا ہے کہ 44 سالہ حملہ کی شناخت ٹریوس پوسی کے نام سے ہوئی ہے جس سے تفتیش کی جارہی ہے۔ فائرنگ سے زخمی ہونے والوں میں کچھ کی حالت نازک ہے۔ امریکا میں رواں سال اب تک فائرنگ کے 234 واقعات رپورٹ ہوچکے ہیں۔
