لاہور: پاکستانی میوزک انڈسٹری کے نامور گلوکار اسد قریشی نے کشمیریوں کے ساتھ اظہار یکجہتی کے لیے پانچ مختلف زبانوں میں ترانہ ریلیز کردیا۔
پانچ اگست 2019 کو کشمیر کی خصوصی حیثیت تبدیل کرنے پر پاکستان سمیت دنیا بھر میں ’’یوم استحصال کشمیر‘‘ آج منایا جا رہا ہے۔
یوم استحصال کے موقع پر نہ صرف پاکستان بلکہ مقبوضہ و جموں کشمیر سمیت پوری دنیا میں بھارتی مظالم کے خلاف بھرپور احتجاج کیا جاتا ہے۔
اس موقع پر پاکستانی گلوکار اسد قریشی نے کشمیریوں کے ساتھ اظہار یکجہتی کرتے ہوئے ‘شہزادیاں کشمیر کی’ کے عنوان سے ترانہ جاری کیا ہے۔
اسد قریشی نے ترانہ ‘شہزادیاں کشمیر کی’ پانچ مختلف زبانوں پشتو، پنجابی، کشمیری، سندھی اور بلوچی زبان میں گایا ہے جوکہ کشمیریوں کی آواز بن گیا ہے۔
واضح رہے کہ اس سے قبل اسد قریشی کے پاک ترک ترانے کو بھی بڑی پذیرائی ملی تھی۔
