چینی اولمپکس میڈلسٹ کی سوپ بیچنے کی ویڈیو وائرل

پیرس اولمپکس میں چین کیلئے چاندی کا تمغہ جیتنے والی جمناسٹر نے اپنے ریسٹورینٹ میں دوبارہ کام شروع کردیا۔
میڈیا رپورٹس کے مطابق 18 سالہ چینی جمناسٹ ژو کن کو ہنان صوبے کے شہر ہینگیانگ میں اپنے خاندان کے ریسٹورینٹ میں مدد کرتے ہوئے دیکھا گیا، جس کی ویڈیوز سوشل سائٹس پر وائرل ہورہی ہیں۔
چینی جمناسٹر نے پیرس اولمپکس میں اپنے ملک کیلئے چاندی کا تمغہ جیتا تھا۔
وائرل ویڈیو میں ژو کو اولمپک یونیفارم پہن کر لوگوں کو کھانا پیش کرتے دیکھا جاسکتا ہے، جس نے سوشل میڈیا صارفین کے دل موہ لیے۔