طالبان حکومت نے انسدادِ پولیو مہم رُکوادی
افغانستان اُن دو ممالک میں سے ہے جہاں پولیو کے کیس سر اٹھاتے رہتے ہیں۔ دوسرا ملک پاکستان ہے۔ اقوامِ متحدہ نے پیر کو بتایا کہ افغانستان میں طالبان حکومت نے پولیو ویکسی نیشن مہم رُکوادی ہے۔
مہم شروع ہونے سے پہلے رُکوائی گئی ہے اور اس کا کوئی سبب بھی بیان نہیں کیا گیا ہے۔ طالبان حکومت کے کسی بھی عہدیدار نے اس حوالے سے کوئی تبصرہ نہیں کیا۔
واضح رہے کہ پاکستان کے بعض حصوں میں بھی انسدادِ پولیو کے قطرے پلانے کی مہم تشدد سے داغ دار رہی ہے۔ ہیلتھ ورکرز اور پولیس اہلکاروں کو قتل کیا جاتا رہا ہے۔
پاکستان اور افغانستان میں انتہا پسند یہ پروپیگنڈا کرتے ہیں کہ اقوامِ متحدہ کے تحت پلائے جانے والے پولیو سے بچاؤ کے قطرے بچوں کو تولیدی صلاحیت سے محروم کرنے کے لیے ہیں۔
