ایک نئی تحقیق میں خبردار کیا گیا ہے کہ زیادہ بیٹھنے، لیٹنے میں وقت گزارنے سے دل کی بیماری اور جلد موت کا خطرہ بڑھ سکتا ہے بھلے آپ معمول کی ورزش بھی کرتے ہوں۔
محققین کی رپورٹ کے مطابق ساڑھے 10 گھنٹے سے زیادہ بیٹھے رہنے کی عادت مستقبل میں ہارٹ فیلیئر اور دل کی بیماری سے متعلق موت کی وجہ بن سکتی ہے، یہاں تک کہ ان لوگوں میں بھی جو ورزش باقاعدگی سے کرتے ہیں۔
میساچوسٹس جنرل اسپتال کے ایک ماہر امراضِ قلب ڈاکٹر شان خورشید نے کہا کہ ہمارے نتائج دل کے خطرے کو کم کرنے کے لیے بیٹھنے کے وقت کو کم سے کم کرنے پر زور دیتے ہیں۔
انہوں نے کہا کہ یہ نتائج دل کی ناکامی اور امراض قلب سے متعلق اموات کے لیے ممکنہ طور پر ایک دن میں 10.6 گھنٹے بیٹھنے یا لیٹنے کی حد کی نشاندہی کرتے ہیں۔ مزید برآں بہت زیادہ بیٹھنا یا لیٹنا دل کی صحت کے لیے نقصان دہ ہے، ان لوگوں کے لیے بھی جو جسمانی ورزش کرتے ہیں۔
