آپ نے متعدد اسمارٹ فونز دیکھے ہوں گے مگر ایسا نہیں جو ایک چینی کمپنی نے تیار کیا ہے۔
یہ دنیا کا پہلا روبوٹ فون ہے جسے کمپنی نے باضابطہ طور پر متعارف کرا دیا ہے۔
اسپین میں جاری موبائل ورلڈ کونگریس کے موقع پر اس فون کو پیش کیا گیا۔
کمپنی کی جانب سے اس فون کی جھلک پہلی بار اکتوبر 2025 میں جاری کی گئی تھی۔
اس فون میں ایک منفرد گیمبل میکنزم موجود ہے۔
یعنی فکس رئیر کیمرے کی بجائے اس میں ایک ہاتھ چھپا ہے جو ڈیوائس کے بیک سے باہر نکلتا ہے۔
یہ ہاتھ پرائمری کیمرے کو 360 ڈگری میں تصاویر یا ویڈیو ریکارڈ کرنے میں مدد فراہم کرتا ہے۔
یعنی لائیو اسٹریمنگ یا کسی بھی جگہ کو ریکارڈ کرنے کے لیے بہترین ہے۔
یہ گیمبل میکنزم اس ہاتھ کو بائیں جانب سے نکل کر دائیں جانب جاتا ہے۔
کمپنی نے بتایا کہ اس فون کو رواں سال کی دوسری ششماہی کے دوران فروخت کے لیے پیش کیا جائے گا۔
البتہ اس کی قیمت اور دیگر فیچرز کی تفصیلات کو جاری نہیں کیا گیا۔
البتہ یہ ضرور بتایا گیا کہ اس میں ایک اسٹار ٹریکنگ موڈ موجود ہے جبکہ اس کیمرے کو سیلفی لینے یا ویڈیو کالز کے لیے بھی استعمال کیا جاسکتا ہے۔
اس سے ہٹ کر بھی 2 کیمرے اس فون کے بیک پر موجود ہیں جن کو معمول کے اسمارٹ فونز کی طرح فوٹوز یا ویڈیوز کے لیے استعمال کیا جاسکتا ہے۔
