لاہور میں ٹریفک ڈسپلن قائم کرنے کے لیے لاہور ٹریفک پولیس کی جانب سے خصوصی آگاہی مہم کا آغاز کر دیا گیا ہے۔
شہر کی ماڈل اور مصروف شاہراہوں پر آگاہی کیمپس قائم کیے گئے ہیں جہاں ٹریفک پولیس کی ٹیمیں شہریوں کو ٹریفک قوانین سے متعلق شعور فراہم کر رہی ہیں۔
وقاص نذیر نے شہریوں پر زور دیا ہے کہ وہ لین لائن ڈسپلن، ہیلمٹ اور سیٹ بیلٹ کے استعمال کو یقینی بنائیں تاکہ حادثات سے محفوظ رہا جا سکے۔
انہوں نے بتایا کہ ایک ہفتے کی آگاہی مہم کے بعد خلاف ورزی کرنے والوں کے خلاف سخت کریک ڈاؤن شروع کیا جائے گا، جس میں چالان اور قانونی کارروائیاں شامل ہوں گی۔ اس مقصد کے لیے سیف سٹی اتھارٹی لاہور کے کیمروں اور ون ایپ کے خودکار نظام کو بھی فعال طور پر استعمال کیا جائے گا۔
ٹریفک پولیس حکام کے مطابق جاری اقدامات کے نتیجے میں شہر میں جان لیوا حادثات میں 26 فیصد کمی ریکارڈ کی گئی ہے، جو مہم کی مؤثریت کا ثبوت ہے۔
