ڈزنی چینل کی معروف فلمی فرنچائز “Zombies” میں بری پرٹل (Bree Prattle) کا کردار ادا کرنے والی امریکی اداکارہ کارلا جیفری 33 برس کی عمر میں انتقال کرگئیں۔
کارلا جیفری کے انتقال کی تصدیق ان کی ٹیلنٹ مینجمنٹ کمپنی Alexanders Talent Management اور خاندان کی جانب سے کی گئی۔ اداکارہ یکم ستمبر 2026 کو انتقال کرئیں، تاہم ان کی موت کی وجہ تاحال سامنے نہیں آئی۔
کارلا جیفری نے Zombies، Zombies 2 اور Zombies 3 میں بری کا کردار ادا کیا، جبکہ بعد میں وہ اسی کردار کی آواز “Zombies: The Re-Animated Series” میں بھی دیتی رہیں۔
اداکارہ نے کم عمری میں ہی شوبز کی دنیا میں قدم رکھا۔ ان کا پہلا نمایاں فلمی کردار 2006 کی فلم “Phat Girlz” میں تھا، جس کے بعد انہوں نے Curb Your Enthusiasm، Shake It Up، Good Luck Charlie، American Vandal اور دیگر ٹی وی پروجیکٹس میں بھی کام کیا۔
کارلا جیفری کے انتقال کی خبر سامنے آنے کے بعد Zombies فرنچائز کے ساتھی اداکاروں نے بھی سوشل میڈیا پر گہرے دکھ اور تعزیت کا اظہار کیا۔ Chandler Kinney، Milo Manheim اور Trevor Tordjman سمیت ساتھی فنکاروں نے کارلا کو محبت بھری اور خوش مزاج شخصیت قرار دیتے ہوئے ان کی یادیں شیئر کیں۔
کارلا جیفری کے انتقال سے ڈزنی کے مداحوں اور ان کے ساتھی فنکاروں میں سوگ کی فضا ہے، جبکہ ان کی مختصر مگر نمایاں اداکاری کیریئر کو خراجِ تحسین پیش کیا جا رہا ہے۔
