لاہور (جنرل رپورٹر)محکمہ سپیشلائزڈ ہیلتھ کیئر اینڈ
میڈیکل ایجوکیشن نے پنجاب کے 2 سرکاری ٹیچنگ ہسپتالوں کے میڈیکل سپرنٹنڈنٹس کو تبدیل کر دیا ہے۔ میڈیکل سپرنٹنڈنٹ /پروفیسر آف اناٹومی (BS-20)، جناح ہسپتال، لاہور پروفیسر ڈاکٹر حافظ معین الدین کو عہدے سے ہٹا دیا گیا ہے۔ پروفیسر ڈاکٹر حافظ معین الدین کو پروفیسر آف اناٹومی علامہ اقبال میڈیکل کالج لاہور کے عہدے کی ذمہ داریوں سے بھی فوری طور پر ہٹا دیا گیا ہے۔ ڈاکٹر ذیشان حیدر ایڈیشنل پرنسپل میڈیکل آفیسر (BS-19) کو جناح ہسپتال لاہور کے میڈیکل سپرنٹنڈنٹ کے عہدے کا اضافی چارج سنبھالنے کی ذمہ داری تفویض کر دی گئی۔ وہ اپنی موجودہ ذمہ داریوں کے علاوہ فوری طور پر اور آئندہ احکامات تک میڈیکل سپرنٹنڈنٹ، جناح ہسپتال، لاہور کے عہدے کی ذمہ داریاں بھی انجام دیں گے۔ میڈیکل سپرنٹنڈنٹ علامہ اقبال ٹیچنگ ہسپتال ڈیرہ غازی خان ڈاکٹر منصور احمد افغان اے پی ایم او (BS-19) کو بھی فوری طور پر عہدے سے ہٹا کر محکمہ سپیشلائزڈ ہیلتھ کیئر اینڈ میڈیکل ایجوکیشن میں رپورٹ کرنے کی ہدایت کر دی گئی۔ ڈاکٹر محمد ظفر اقبال ایڈیشنل پرنسپل میڈیکل آفیسر (BS-19)، علامہ اقبال ٹیچنگ ہسپتال، ڈیرہ غازی خان کو اپنے فرائض کے ساتھ ساتھ فوری طور پر اور اگلے احکامات تک علامہ اقبال ٹیچنگ ہسپتال، ڈیرہ غازی خان کے میڈیکل سپرنٹنڈنٹ کا لک آفٹر (عارضی) چارج سونپ دیا گیا۔
