اسرائیل کا قسام کی خان یونس بریگیڈ کے کمانڈر کو شہید کرنے کا دعویٰ غزہ

(آئی این پی) اسرائیلی فوج نے حماس کے مسلح ونگ، قسام بریگیڈ غزہ کے خان یونس بریگیڈ کے کمانڈر محمد الیزوری، جسے ”ابوالہیثم” کے نام سے بھی جانا جاتا ہے، کو شہید کرنے کا دعویٰ کیا ہے۔ غیرملکی میڈیا کے مطابق اسرائیلی فوج کا کہنا ہے کہ محمد الیزوری اور قسام بریگیڈز کے ایک انجینئر حذیفہ ابو معمر المواسی کے علاقے میں چہل قدمی کرتے ہوئے اسرائیلی ڈرون حملے میں شہید ہوگئے۔ اگرچہ الیزوریی کی شناخت فوری طور پر نہیں ہوسکی ہے، کیونکہ جسم کے ٹکڑے ہوگئے تھے اور چہرہ بھی مسخ تھا۔ ذرائع نے انکشاف کیا کہ الیزوریی کے ساتھ اچانک رابطہ منقطع ہوا جس کی وجہ سے ان کے قریبی ساتھیوں نے انہیں ڈھونڈنے کی کوشش کی اور واضح ہوا کہ انہیں ٹارگٹ کیا گیا ہے اور وہ اسرائیلی حملوں کے متاثرین میں شامل ہیں۔ دو ذرائع کے مطابق الیزوری نے خان یونس بریگیڈ کی ذمہ داری بریگیڈ کے رہنماں عزالدین الحداد اور محمد عودہ کے قتل کے فوراً بعد سنبھالی، جنہیں مئی میں شہید کر دیا گیا تھا۔