کراچی(این این آئی)سابق وزیر خزانہ حفیظ پاشا نے خبردار کیا ہے کہ آبنائے ہرمز کی بندش اور عالمی منڈی میں خام
تیل کی قیمتوں میں مسلسل اضافے کی صورتحال برقرار رہی تو پاکستان میں ڈیزل کی قیمت 500 جبکہ پیٹرول کی قیمت 430 روپے فی لیٹر تک پہنچ سکتی ہے۔خصوصی گفتگو کرتے ہوئے حفیظ پاشا نے کہا کہ آبنائے ہرمز کی بندش کے باعث حالات انتہائی خراب ہیں اور برینٹ خام تیل کی قیمت میں روزانہ اضافہ ہورہا ہے۔ اگر یہ صورتحال برقرار رہی تو پیٹرولیم مصنوعات کی قیمتوں میں مزید نمایاں اضافہ ہوسکتا ہے۔انہوں نے کہا کہ پاکستان میں 11 کروڑ افراد غربت کی لکیر سے نیچے جاچکے ہیں، ایسا وقت بھی آسکتا ہے کہ ملک کی نصف سے زائد آبادی غربت کی لکیر سے نیچے چلی جائے۔ پیٹرولیم مصنوعات کی قیمتوں میں اضافے سے مہنگائی مزید بڑھے گی۔
