لاہور(سٹی رپورٹر) اے ڈی سی جی لاہور اور پیرا فورس کی نااہلی اور کرپشن کی وجہ سے ہونے والی مصنوعی مہنگائی کے خلاف شہری بلبیلا اٹھے ، خبیب الرحمان نے خبریں سے بات کرتے ہوئے کہا کہ سرکاری ریٹ لسٹ کے مطابق کوئی بھی چیز بازار میں فروخت نہیں ہو رہی ،شہری رضوان احمد نے گوشت کے حوالے سے بتایا کہ اگر سرکاری ریٹ پر گوشت کی فروخت یقینی بنائی جائے تو ہم غریب بھی مہینہ میں ایک بار کھا سکتے ہیں لیکن سرکاری ریٹ پر گوشت خریدنا ناممکن ہے ، شہری مدثر نے بتایا کہ سرکاری ریٹ پر سبزیوں اور پھلوں کے ریٹ کا تقاضا کریں تو دوکاندار سامان ہی نہیں فروخت کرتے مجبورا مہنگی اشیاخورنوش خریدنے پر مجبور ہیں ، شہریوں نے وزیر اعلی پنجاب اور ڈپٹی کمشنر لاہور سے اپیل کی ہے کہ عوام پہلے ہی مہنگائی کی وجہ سے پریشان ہیں متعلقہ افسران کی نااہلی اور کرپشن کی وجہ سے مہنگائی مافیا عوام کو دونوں ہاتھوں سے لوٹ رہا ہے ، گوشت اور اشیاخورونوش کی فروخت سرکاری ریٹ لسٹ کے مطابق یقینی بناکر عوام کو ریلیف دیا جائے ۔
