مسافر کی طبیعت خراب اسلام آباد سے مانچسٹر جانے والی پرواز میں ایمرجنسی

اسلام آباد(خبریںڈیجیٹل) پاکستان ائیرلائن(پی آئی اے)کی اسلام سے مانچسٹر کی پرواز پی کے 701 کی مانچسٹر لینڈنگ سے نصف گھنٹہ قبل پائلٹس نے طیارے میں میڈیکل ایمرجنسی کی وجہ سے ہنگامی صورتحال کا اعلان کیا۔ میڈیارپورٹ کے مطابق پرواز میں مسافر کی طبیعت خراب ہونے پر طبی امداد کی انتہائی ضرورت ظاہر کی گئی۔ پاکستانی وقت کے مطابق شام 7:52 بجے طیارہ نارتھ سی پر محوِ پرواز تھا۔ الرٹ کا کوڈ 7700 جاری کرنے کے 30 منٹ بعد مانچسٹر ائیرپورٹ پر لینڈنگ تک طیارہ ایمرجنسی کوڈ پر رہا تاکہ ترجیحی بنیادوں پر لینڈنگ کی اجازت مل سکے۔