کوئٹہ میں سماجی کارکن عبدالستار ایدھی کا مجسمہ دوبارہ نصب

کوئٹہ (آئی این پی) کوئٹہ میں ممتاز سماجی کارکن عبدالستار ایدھی کا مجسمہ دوبارہ نصب کردیا گیا۔اس سے قبل ان کو خراج عقیدت پیش کرنے کے لیے کوئٹہ میں 2021میں ایک قد آور مجسمہ نصب کیا گیا تھا، جسے بلوچستان کے معروف آرٹسٹ محمد اسحاق لہڑی نے بنایا تھا، لیکن وہ مجسمہ رواں سال 31جنوری کو ہونے والے ایک شدید دھماکے کے باعث متاثر ہوا تھا۔حکومت بلوچستان کی جانب سے سول سیکرٹریٹ کے ساتھ ریلویز ہاکی گرانڈ کے سامنے ہاکی چوک کو عبدالستار ایدھی کے نام سے منسوب کیا گیا تھا۔سیکورٹی خدشات کے پیش نظر ریڈ زون کے جنوب کی جانب دو مضبوط اور بڑے گیٹ لگائے گئے ہیں جس کے باعث اب نئے مجسمے کو سابقہ جگہ کی بجائے کچھ فاصلے پر گیٹ سے باہر نصب کیا گیا ہے تاکہ یہ لوگوں کو نظر آسکے۔
مجسمہ