شیخوپورہ (بیورورپورٹ) تحریک انصاف نظریاتی کے چیئرمین اختر اقبال ڈار نے کہا ہے کہ دین سے دوری فحاشی ناچ گانے نائٹ کلبز جوئے شراب خانے اور اللہ تعالیٰ کے فرمان کہ یہود و نصاریٰ کبھی مسلمانوں کے دوست نہ ہوسکتے ہیں پر کان نہ دھرنے کے باعث آج مشرق وسطیٰ خلیجی ممالک اور سعودیہ عرب کو موجود ہ کشیدہ صورتحال کا سامنا ہے جبکہ سعودیہ عرب اور دیگر مسلمان ممالک کے وسائل پر عیاشیاں کرنے والا امریکا آج خاموش تماشائی بنا ہوا ہے اور تمام حربے آزمانے کے بعد اسرائیل امریکا گریٹر اسرائیل اور ایران کو ختم کرنے کے پلان پر مسلمانوں کو آپس میں لڑانے پر فوکس کیے ہوئے ہیں، اختر ڈار نے کہاکہ ٹرمپ کو سونے کے ہار پہنانے تحفے میں طیارے دینے اور تلواروں کے سائے میں رقص کرتے ہوئے استقبال کرنے والے سعودیہ عرب والے آج بے بسی کی تصویر بنے ہوئے ہیں دنیا کے مختلف ممالک کو مدد کیلئے آواز یں دے رہے ہیں، انہوں نے کہاکہ امریکا کے ساتھ وسیع فوجی اڈوں دہائیوں پر محیط دفاعی معاہدوں اور شراکت داری کے باوجود امریکا سعودیہ عرب کو فوجی امداد نہ دے رہا ہے اور حوثیو ں سے خفیہ ملاقاتیں کررہا ہے یہ امریکی پالیسی خلیجی ممالک اور سعودیہ عرب پر سوالیہ نشان ہے، انہوں نے کہاکہ ان مسلم ممالک کو ہوش کے ناخن لینا ہوں گے جنہوں نے امریکا کو فوجی اڈے فراہم کیے اور اربوں کھربوں کی امریکا میں انویسٹمنٹ کی انہوں نے کہاکہ امریکی اڈ ے مسجد ضرار کی مانند ہیں جنہیں حضور پاک ۖ نے گرانے کا حکم دیا تھا انہوں نے کہاکہ جو قومیں اپنے دفاع کا حق نہیں رکھ سکتی ان سے زندہ رہنے کا حق بھی چھین لیا جاتا ہے اور ملکوں کی دوستیاں ہمیشہ مفادات پر ہوتی ہیں اور مفادات پر ہی ختم ہوجاتی ہیں لہذا تمام مسلمان ممالک کو اللہ کی رسی کو مضبوطی سے ٹھامتے ہوئے شیعہ سنی تفرقہ سے باہر نکل کر سوچنا ہوگا اور اتحاد و یگانگت کا مظاہرہ کرنا ہوگا تاکہ دین اسلام کے دشمنوں کی امیدوں کا خاتمہ ہوسکے اور ہم مکہ سے نسبت رکھنے والے اس کے دفاع کرسکیں۔
