او ائی سی مسلہ کشمیر کو عالمی ایجنڈے پر فہرست رکھے اسحاق ڈار

نیویارک (نمائندہ خصوصی)نائب وزیراعظم و وزیر خارجہ اسحاق ڈار کا کہنا ہے مئی 2025 کا پاک  بھارت تنازع اس بات کی یاد دہانی ہے کہ مسئلہ کشمیر کو غیرحل شدہ چھوڑنا خطرناک ہے’ پاکستان کو افغانستان کی صورت حال پر شدید تشویش ہے، طالبان دہشتگردی کا مکمل خاتمہ یقینی بنائیں۔او آئی سی رابطہ گروپ برائے جموں و کشمیر سے خطاب کرتے ہوئے نائب وزیراعظم و وزیر خارجہ اسحاق ڈار کا کہنا تھا کشمیری 8 دہائیوں سے اقوام متحدہ کے تحت حق خودارادیت کے منتظر ہیں، بھارت مقبوضہ کشمیر کی مسلم تہذیبی اور مذہبی شناخت کو نقصان پہنچانے کی کوشش کر رہا ہے، مقبوضہ وادی میں صحافیوں کی آواز دبائی جارہی، عالمی مبصرین کو بھی رسائی نہیں ہے۔انہوں نے کہا کہ گزشتہ سال ہندوستان نے بغیر تحقیقات کے پاکستان پر بے بنیادالزامات لگائے، پاکستان نے اپنے دفاع میں ذمہ دارانہ اور متوازن جواب دیا، مئی 2025 کا پاک بھارت تنازع اس بات کی یاد دہانی ہے کہ مسئلہ کشمیر کو غیرحل شدہ چھوڑنا خطرناک ہے۔اسحاق ڈار کا کہنا تھا ہندوستان 5 اگست 2019 کے غیرقانونی اقدامات سے مقبوضہ کشمیر کی آبادی کا تناسب بدلناچاہتا ہے، مقبوضہ کشمیر میں کشمیری رہنماں اور نوجوانوں کو کالے قوانین کے تحت نشانہ بنایا جا رہا ہے، بھارت آبادیاتی تناسب کی تبدیلی کے لیے اوچھے ہتھکنڈے استعمال کر رہا ہے۔ رابطہ گروپ کے اجلاس سے خطاب میں انہوں نے کہا کہ کوہاٹ میں گذشتہ ہفتے دہشتگردی کے واقعے میں 24 افراد شہید ہوئے۔اسحاق ڈار کا کہنا تھا کہ افغانستان میں دہشتگرد گروہوں کی موجودگی پر پاکستان کو شدید تشویش ہے، افغان سرزمین کو ہمسایہ ملکوں کے خلاف دہشتگرد حملوں کے لیے استعمال نہ ہونے دیا جائے۔ان کا مزید کہنا تھا کہ افغانستان میں منشیات، اسلحے، انسانی اسمگلنگ کی روک تھام ضروری ہے۔اسحاق ڈار نے کہا کہ افغان بچیوں کی تعلیم، خواتین کے روزگار پر پابندی پر گہری تشویش ہے، افغان مہاجرین کی واپسی کے بوجھ میں عالمی برادری کو بھی ذمہ داری کا مظاہرہ کرنا ہوگا۔