پاکستان میں سونے کی قیمت میں ایک بار پھر کمی ریکارڈ کی گئی ہے۔ آل پاکستان صرافہ جیمز اینڈ جیولرز ایسوسی ایشن کے مطابق 24 قیراط سونے کی فی تولہ قیمت میں 2 ہزار 100 روپے کمی ہوئی، جس کے بعد نئی قیمت 4 لاکھ 50 ہزار 936 روپے ہوگئی۔
اسی طرح 10 گرام 24 قیراط سونے کی قیمت 1 ہزار 800 روپے کم ہوکر 3 لاکھ 86 ہزار 604 روپے پر آگئی۔
گزشتہ روز سونے کی فی تولہ قیمت میں 4 ہزار 700 روپے کا اضافہ ہوا تھا اور قیمت 4 لاکھ 53 ہزار 36 روپے تک پہنچ گئی تھی، تاہم ایک روز بعد سونے کے نرخ دوبارہ نیچے آگئے۔
