امریکا کے شمال مشرقی علاقوں میں طاقتور نارایسٹر طوفان نے تباہی مچا دی، شدید بارش اور تیز ہواؤں کے باعث کئی ساحلی علاقے زیرِ آب آگئے جبکہ ایک لاکھ سے زائد گھر اور کاروباری مراکز ایک وقت میں بجلی سے محروم ہوگئے۔
طوفان واشنگٹن ڈی سی سے لے کر ریاست مین تک کے مشرقی ساحلی علاقوں کو متاثر کر رہا ہے۔ نیو جرسی، نیویارک، کنیکٹیکٹ، میساچوسٹس اور دیگر علاقوں میں شدید بارش، بلند لہروں اور ساحلی سیلاب کی صورتحال پیدا ہوئی ہے۔
رپورٹس کے مطابق نیو جرسی کے مختلف علاقوں میں سڑکیں اور رہائشی مقامات سیلابی پانی کی زد میں آگئے، جبکہ لانگ آئی لینڈ میں بعض سڑکوں پر پانی اتنا جمع ہوگیا کہ لوگ کشتیوں کے ذریعے آمدورفت کرتے دکھائی دیے۔ نیو جرسی کے ایک سیلاب زدہ موٹل سے 9 افراد اور ایک کتے کو بھی ریسکیو کیا گیا
