ایرانی سپریم لیڈر آیت اللہ مجتبیٰ خامنہ ای نے کہا ہے کہ امریکا اور اسرائیل کی جانب سے ایران کو پسماندگی کی طرف دھکیلنے کی کوشش ناکام ہوچکی ہے اور ایران مستقبل میں دنیا کی سب سے بڑی طاقت بنے گا۔
مجتبیٰ خامنہ ای نے ڈیفنس ویک اور حزب اللہ کے سابق سربراہ سید حسن نصر اللہ کی دوسری برسی کے موقع پر جاری بیان میں کہا کہ بعض لوگ ایران کو اس وقت دنیا کی چوتھی بڑی سپر پاور قرار دیتے ہیں، تاہم ان کے بقول ’’اللہ نے چاہا تو ایران دنیا کی سب سے بڑی طاقت ہوگا‘‘۔
انہوں نے کہا کہ ماضی میں دشمن نے جنوبی ایران کے دونوں اطراف سمندر کو اپنے لیے کھیل کا میدان بنا رکھا تھا، تاہم آبنائے ہرمز کے دفاع کی وجہ سے اب دشمن بحیرۂ عرب سے آگے بڑھنے کی جرأت نہیں کرتا۔
